Kecek Kelate

Trip kali ni, ambo nok tra tulis ikut bahaso kelate laa deh...maklum lah, ambo ni orey kelate, sekali sekalo nak tra guno bahaso kelate etek, ko guano. Kalu ambo orey perok, mesti la ambo guno bahaso perok dih....gitu la jugok, kalu ambo orey kedoh ko, negeri semiley ko, pula peney ko....eh, ngarut plok ambo nii, sori-sori (orey kelate memey biaso guno bahaso orey putih, jadi kalu ado bahaso orey putih tu, dok pelik la deh)

Dulu-dulu kalu nulih karangey ni, dokleh guna loghat negeri, sebab key cikgu maroh, markah pon keno potong.... tapi mugo loni ado natey belog ni gak, buleh la ambo tra, takdok orey larey sero, mugo barey nii free jah. Doh belog ambo, ikut ambo laa....cumo mungkin ado (bukey mungkin doh bekali, ambo sero memey ado) hok dok berapo pehey...kalu dok pehey, baco laa selow-selow deh, beley-beley belek kamus etek...kalu ado saing-saing orey kelate tu, buleh la mitok dio tolong trenslet. Orey ganu pong, reti jugok ambo sero...ko guano.

Maso kecik-kecik dulu, tekoh sekoloh rendoh (sekoloh menengoh pon ado jugok, jarey-jarey), rajin la ambo duk dengar ado budok-budok nulih karangey maso perekso dengay guno bahaso loghat nii....maso tu gak, ambo duk mikir, bodonyo budok tuu. Ambo sero nulih guno bahaso standard lagi mudoh. Tokdey nok mikir ambo, lagu mano demo tu buleh nulih guno bahaso loghat...tapi tekoh ado tepon henset ni gak, bilo guno sms (shok mesenging servis), baru ambo pehey...dok mustahil ruponyo nulih nga bahaso loghat ni dih....nii la buktinyo, ambo duk nulih trip ni guno bahaso loghat...dok sedar pon, sapa tigo perenggey doh nii boh...

Loni ambo banyok meluey key maso di Koto Bharu kelate nii, jadi beraso nok kecek kelate sokmo. Mugo tiak-tiak hari duk kecek bahaso loghat nii gak...mesti doh dih, doh duk kapung sediri, guno la loghat sediri...kalu ambo orey perok, duk di Lumut pon, ambo guno bahaso perok dih....eh,eh ngobey la ambo nii.

Jadi, ambo takdok cito ni sebenarnyo, nak tra nulih ikut bahaso kelate jah sebenarnyo...pat perenggey beley-beley takdok cito pon...lain kali laa, ambo nulih kok bahaso kelate lagi deh, bilo ambo ado cito hok sedak sikit. Ni pon boktey dok jenero tido jah nii, beley-beley tingat ko orey jauh etek...pah, baco kanvas media tadi beley-beley. Lamo doh dio dok update, bilo dio update, sero nok update jugok la ambo pon...

Jadi, sehinggo la kito betemu lagi la deh semo-semo....ni ambo nulih ikut bahaso kelate KB, orey oyak hok kelate KB la paling mudoh....lagi pon, ambo reti kelate KB jah, mugo ambo orey Koto Bharu keyy...tu pon ambo ado sengajo namboh-namboh pelat sikit, sajo nok bagi dramatik, napok sikit kelainey dio, sedak sikit nok baco dih....duk dumoh, takdok la lagu gini mo ambo kecek...hehe

Ok, tadi kato nok bereti, ngabey pulok doh eh....kali ni bereti sengoti la deh, wassalam....

Bersatu

Trip kali ini adalah untuk menyuruh kita semua BERSATU, tapi oleh sebab aku malam ni (ya, aku tulis ni pada waktu malam) adalah sangat sangap takder idea, jadi trip kali ni aku hanya dedikasi untuk seru semangat sahaja....semoga kita semua BERSATU.

Ok, untuk dapat feel, kita nyanyi sikit...macam mana nada lagu, sila lah cipta sendiri. Nyalakan sudut kreatif anda, yang penting seruan untuk BERSATU ini tercapai dalam diri kita semua....semoga terhibur dan teruslah BERSATU...


BERSATU Kita BERSATU,
Dengan Setia Berganding Bahu ,


BERSATU Kita BERSATU,
Jiwa Teguh Berpadu,
Kita Rumpun Melayu.

BERSATU Kita BERSATU,

Bersama Mendukung Hasrat Semua,

Berjasa Pada Agama, Bangsa dan Negara.

BERSATU Kita BERSATU

Untuk Rakyat Malaysia.